директорының ғылыми-әдістемелік жұмысы жөніндегі орынбасары Н.Дулыханованың ұйымдастыруымен «Кәсіби қалыптасуда жас мамандарды сүйемелдеу» тақырыбында жас мамандарды оқыту семинары өткізілді

4 қазан 2023 жылы «Жетісу облысы білім басқармасының Талдықорған қаласы бойынша білім бөлімі» мемлекеттік мекемесінің «К.Ушинский атындағы №7 орта мектеп» отдела образования Шуского района директорының  ғылыми-әдістемелік жұмысы жөніндегі орынбасары Н.Дулыханованың  ұйымдастыруымен «Кәсіби қалыптасуда жас  мамандарды сүйемелдеу»  тақырыбында жас мамандарды оқыту семинары өткізілді. Семинардың мақсаты: жас мамандардың кәсіби құзыреттілігін арттыру, олардың өзіндік кәсіби өсуіне көмектесу. 
Семинар барысында педагогтар жүргізуі тиіс нормативті құжаттар оның ішінде күнтізбелік-тақырыптық жоспарлау, қысқа мерзімді сабақ жоспарын қалай дайындау керектігін практика жүзінде қазақ тілі мен әдебиеті пәнінің мұғалімі Б.Жексембекова, бастауыш сынып мұғалімі Л.Григорьева түсіндіріп өтсе, ағылшын тілі пәнінің мұғалімі  М.Ибраимова жас мамандарға тиімді цифрлық ресурстармен жұмыс жасауға бағыт бағдар берді. Сондай-ақ жағдаяттық тапсырмалар беріліп, әдіс-тәсілдер көрсетілді. Семинарға қатысқан мектебіміздің жас мамандары белсенділік танытып, үздік тәжірибелерімен бөліскен ұстаздарға алғыстарын білдірді.